Leitzaran Bisitarien Etxea

BALDINTZA OROKORRAK

AURRETIKO OHARRA: Turismo aktibo eta abentura-kirol arloak berez dira arriskutsuak. Gure monitoreek zein teknikoek burutzen duten jarduerarako beharrezko prestakuntza eta esperientzia daukate. Haien argibideen eta azalpenen esku dago, neurri handi batean, ekintzaren segurtasuna.

1.- Eskaintzen diren ekintzak garatzen diren inguruaren eta partaideen baldintzen araberakoak dira, beraz, gerta daiteke aldaketak izatea ekintza burutu aurretik, baita burutu bitartean ere (eguraldia, mareak, parte-hartzaileen arazo fisikoak, eta abar). UR Nomade S.L.-ek aurrez kontratatutako ekintzaren bat bertan behera utziz gero, bezeroak eskubidea dauka ekintza beste egun baten egiteko, berak nahi duen beste ekintza bat aukeratzeko edo ordaindutako dirua berreskuratzeko.

2.- Bezeroak edozein ekintza kontratatu aurretik argi adierazi behar digu haurdun dagoen, paraplegiarik daukan edo gaixotasun kardiobaskularrik daukan. Era berean, hitzeman behar du ez duela alkohol, droga edo estupefazienterik hartuko, ezta parte hartzeko gaitasuna gutxituko dion botikarik ere.

Uretako ekintzetan parte hartzeko ezinbestekoa da igeri egiten jakitea.

Ekintza bakoitzaren fitxa teknikoan parte hartzeko beharrezkoak diren baldintzak eta gutxieneko adina zehazten dira. Adin txikikoek gurasoen baimena behar dute edo arduradun batek lagundu behar die.

Edozelan ere, eta bereziki goi-mailako ekintzak egiteko, UR Nomade S.L.-ek izena eman dutenei gai diren ala ez ikusteko aurretiko proba bat eragin diezaieke eta onartzeko eskubidea berak izango du.

3.- UR Nomade S.L.-ren konpromisoa kontrataturiko ekintza hasten den unean hasten da, beraz, UR-en instalazioetarainoko edo ekintza-lekurainoko garraioa bezeroari dagokio. Teknikoek lana ondo betetzea eta ekintza behar den modura antolatzea da UR-en betebeharra.

4.- Prezioak pertsonako dira eta horren barruan sartzen dira UR Nomade S.L.-ek zehazturiko zerbitzuak BEZa barne, betiere gutxieneko lagun-taldea osatuz gero. Kontrakorik adierazi ezean, kanpoko zerbitzuak (ostatua, garraioa,...) bezeroak bilatu eta ordaindu behar ditu, hala ere, zerbitzu hauek errazteko UR Nomade S.L.-ek noizbehinka zuzenean kudeatu ditzake.

5.- Beharrezko materiala prezioaren barruan dago, bai parte-hartzaile bakoitzari dagokiona, baita taldeari dagokiona ere. Fitxa teknikoetan agertzen da zer ekipamendu behar den ekintza eta programa bakoitzerako.

Aseguruak

6.- Programen eta ekintzen prezioaren barruan asistentzia-asegurua sartzen da. Gaixotasunik edota istripurik gertatuko balitz, aseguru horrek babestuko luke bezeroa.

Oharra: Materiala eta ekipamendua alokatuz gero (monitore barik), ezin izango da asistentzia-aseguru horretaz baliatu.

Asistentzia-asegurua: Poliza AXA aseguru-konpainiarekin kontratatua.

Halaber, UR Nomade S.L.-ek besteei eragindako kalteei aurre egiteko Erantzukizun Zibileko Poliza dauka, sektorea erregulatzen duten dekretuek eskatzen duten estaldura eta kantitatez hornitua.

Erantzukizun Zibileko Asegurua: Poliza AXA aseguru-konpainiarekin kontratatua.

Bezeroak eskuragarri du aseguruen baldintza zein estaldurei buruzko informazio guztia Ekintza Zentroan eta eskatzen duenari bidaliko zaio.

Kontratazio-baldintzak

7.- Erreserba egiteko gutxienez zenbateko guztiaren % 25a ordaindu beharko du bezeroak. Gainontzekoa Basean ordaindu beharko du ekintza egin aurretik. Programen edota ekintzen ezaugarriengatik portzentaje hauek aldatu behar izanez gero, argi azalduko zaio bezeroari.

8.- Bezeroak kontrataturiko edo eskaturiko zerbitzuak bertan behera utz ditzake. Aurreratutako dirua itzuli egingo zaio, baina horretarako UR Nomade S.L. indemnizatu beharko du ondorengo zenbatekotan:

- Kudeatze gastuak, bertan behera ustearen gastuak baleude, eta penalizazio bat ordaindu beharko ditu. Penalizazioa bezeroak ekintza-eguna baino 10-15 egun lehenago abisatzen badu erreserbaren zenbatekoaren % 5a izango da; %15a hiru eta hamar egun lehenago abisatzen badu, eta %25a irteerarako berrogeita zortzi orduren barruan abisatzen badu.

- UR Nomade S.L.-ek esaniko egunean eta orduan agertzen ez bada, erreserbaren zenbatekoa osorik galduko du.

9.- Erreserba konfirmatzen den unetik, bezeroak espresuki onartu egiten ditu Baldintza Orokor guzti hauek. Pertsona batek beste baten edo batzuen izena ematen badu, haren edo haien izenean onartzen ditu Baldintza Orokor guzti hauek.