Leitzaran Bisitarien Etxea

URAREN INTERPRETAZIO ZENTROA ETA SENDERISMOKO IBILBIDE INTERPRETATZAILEA

Uraren Interpretazio Zentroa

Uraren Interpretazio Zentroa Leitzaran Bisitarien Etxearen barruan dago. Hor daude ikusgai Leitzaran ibaiko Biotopo Babestua eta bailara, URAren ikuspegitik begiratuta betiere.

Gune honetako bisita aisialdiko jarduera da, bisitari-mota orori zuzendua. Bisita, beraz, ekintza jostagarria, parte-hartzailea eta dinamikoa da; horren bidez Leitzaran ibaiaren bailarako natura eta kultura-balioak in situ azaldu nahi ditugu, bisitariei ingurunea zaindu eta maitatzeko gogoa piztuz.

URAren Interpretazio Zentroak hainbat baliabide (ikus-entzunezkoak, informatikoak, erakusketak...) jartzen ditu bisitarien eskura, bailararen nortasuna modu atseginean, labur eta zehatz erakusteko. Bisitariek ez dute inoren laguntzarik behar erakusketa ikusteko.

 

Prezioak

• Zentrorako sarreraren prezioa: 1,00 € bisita autogidatua
• Bisita gidatua: 2,00 €

 

Ordutegia

• Larunbata: 10:00-18:00.
• Igandea: 10:00-14:00.
• Oharra: Astean zehar, erreserba egina duten taldeentzat irekia egongo da.